InicioM.ambiente e PatrimonioO BNG de Mondoñedo pide investigar dez bens rexistrados pola Igrexa ao...

O BNG de Mondoñedo pide investigar dez bens rexistrados pola Igrexa ao abeiro da reforma da Lei Hipotecaria

Os nacionalistas solicitan ao Concello que, de non ser válidos os documentos acreditativos das propiedades, dadas de alta entre 1998 e 2015, "reclame as apropiacións indebidas"

Publicada o

- Advertisement -

O BNG de Mondoñedo presentou un rogo no pleno celebrado o pasado venres día 26 de marzo que foi aceptado para que o Concello investigue os títulos acreditativos de propiedade achegados pola Igrexa e, no caso de non seren suficientes nin válidos, reclame as apropiacións indebidas.

Segundo sinala o concelleiro nacionalista, Eloi Cabanas, “durante o goberno popular de José María Aznar levouse a cabo unha reforma da Lei Hipotecaria para permitirlle á Igrexa Católica rexistrar ao seu nome todo tipo de propiedades sen ter que demostrar con ningún tipo de probas a súa titularidade, sendo suficiente tan só unha certificación eclesiástica manifestando a pertenza desde fai tempo. No caso de Mondoñedo rexistráronse un total de 10 bens, cinco de rústica e cinco de urbana, cun título distinto ao da certificación eclesiástica”, concreta.

Cabanas descoñece se a documentación achegada “é válida ou suficiente” para que a Igrexa “poida rexistrar ao seu nome todos estes bens” e por iso pídelle ao goberno municipal “que actúe e investigue estes inmobles rexistrados entre os anos 1998 e 2015 ao amparo da citada Lei”.

“Pensamos que o Concello debe actuar ben para informar ás veciñas e aos veciños que podan estar perxudicados ou para persoarse como parte afectada para reclamar para o patrimonio público todos aqueles bens que a Igrexa Católica rexistrou como propios e que non están relacionados co culto relixioso, sendo de uso público desde fai anos”, engade.

REFORMA DA PRAZA DA CATEDRAL

O Concello de Mondoñedo está a elaborar un informe coa axuda dos técnicos para contestar ás alegacións presentadas durante o proceso de participación pública “Proxecto de Acondicionamento da Praza da Catedral”. Foi a resposta do goberno municipal ao BNG, que preguntou que decisións vai tomar o Concello en relación coas obras de reforma.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...